Íslenska Byggingavettvangnum er ætlað að að efla innviði, auka samkeppnishæfni og efla samtal innan byggingageirans um hagsmunamál hans. Greina tækifæri til að auka framleiðni, auka skilvirkni, og nýsköpun. Þá er ætlunin að vettvangurinn stuðli að framþróun innan byggingageirans,  taki saman og miðli upplýsingum um geirann og stuðli að víðfermara framboði þjónustu, menntunar og þekkingar.

Lesa nánar

www.kjarninn.is Um 24 prósent veltuaukning í fasteignaviðskiptum milli ára

Um 24 prósent veltuaukning í fasteignaviðskiptum milli ára

Mikil veltuaukning varð í fasteignaviðskiptum á árinu 2016 miðað við árið á undan.

Um  12.400 kaup­samn­ingum var þing­lýst árið 2016 á land­inu öllu og námu heild­ar­við­skipti með fast­eignir tæp­lega 460 millj­örðum króna, að því er fram kemur á vef Þjóð­skrár. Með­al­upp­hæð á hvern samn­ing var um 37 millj­ónir króna.

Til sam­an­burðar þá var veltan árið 2015 rúm­lega 370 millj­arð­ar, kaup­samn­ingar tæp­lega 11.300 og með­al­upp­hæð hvers samn­ings um 33 millj­ónir króna. Heild­ar­velta fast­eigna­við­skipta hefur því auk­ist um rúm­lega 24 pró­sent frá árinu 2015 og kaup­samn­ingum fjölgað um tæp­lega tíu pró­sent. „Sé litið til höf­uð­borg­ar­svæð­is­ins stefnir heild­ar­upp­hæð þing­lýstra kaup­samn­inga í um 350 millj­arða króna, kaup­samn­ingar verða um 7.950 og með­al­upp­hæð kaup­samn­ings verður um 44 millj­ónir króna. Heild­ar­upp­hæð þing­lýstra kaup­samn­inga á höf­uð­borg­ar­svæð­inu á árinu 2015 var  285 millj­arðar króna og fjöldi kaup­samn­inga var 7.369. Með­al­upp­hæð samn­inga árið 2015 var um 38,6 millj­ónir króna. Heild­ar­velta á höf­uð­borg­ar­svæð­inu hefur því auk­ist um tæp­lega 23 pró­sent og fjöldi kaup­samn­inga hefur auk­ist um tæp­lega átta pró­sent,“ segir í frétt á vef Þjóð­skrár.

Flestar spár gera ráð fyrir því að fast­eigna­verð muni halda áfram að hækka, en á und­an­förnum fimm árum hefur það hækkað um 50 pró­sent á höf­uð­borg­ar­svæð­inu. Á árinu 2016 hækk­aði fast­eigna­verð að með­al­tali um tólf pró­sent á höf­uð­borg­ar­svæð­inu, en mest var hækk­unin mið­svæð­iðs. Við­var­andi skortur á íbúðum á mark­aði, einkum litlum og með­al­stórum, á meðan eft­ir­spurn hefur auk­ist stöðugt, er meðal þess sem hefur þrýst verð­inu upp. Þá hefur kaup­máttur auk­ist einnig og upp­gangur ferða­þjón­ust­unnar hefur einnig þrýst verð­inu upp.